Ֆակտորինգային գործառնություններ

Բանկային ծառայությունների համաշխարհային շուկայում ֆակտորինգային ծառայությունն ամենադինամիկ զարգացող ճյուղերից մեկն է:
Ֆակտորինգ  կամ դրամական պահանջի զիջման դիմաց Ֆինանսավորում ասելով հասկանում ենք գնորդի պարտքի ստացման իրավունքի դիսկոնտով (զեղչով) զիջումը Բանկին:

Ֆակտորինգային սպասարկումը ներառում է հետևյալ ծառայությունները՝

•    հետաձգված վճարումներով առաքումների ֆինանսավորում,
•    դեբիտորական պարտքերի վարում և հաշվառում
•    դեբիտորական պարտքի հավաքագրում
•    գնորդի կողմից չվճարման ռիսկի ապահովագրում

Վաճառողների համար առավելություններ

  • դեբիտորական պարտքի զիջման դիմաց շրջանառու միջոցների ներգրավման հնարավորություն,
  • վաճառքների աճին զուգահեռ ֆինանսավորման շարունակական աճ,
  • ժամանակին ստացված ֆինանսավորման շնորհիվ արտադրության և/կամ առևտրի ծավալների աճ,
  • գնորդներին վճարների հետաձգման պայմանի առաջարկման հնարավորություն և, հետևաբար, գնորդների ավելի լայն շրջանակ և շուկայի մասնաբաժնի մեծացում,
  • բյուջետային պարտավորությունների կատարման կարգապահություն. հաճախորդն անհրաժեշտ ֆինանսավորում է ստանում բյուջեի հանդեպ իր պարտավորությունները կատարելու համար, որոնք առաջանում են առաքված, բայց դեբիտորի կողմից դեռևս չվճարված ապրանքների գծով,
  • փոխարժեքների տատանման հետ կապված կորուստների բացառում կամ զգալի նվազում,
  • կազմակերպչական հարցերի կարգավորում. հաճախորդի ցանկությամբ Բանկը կարող է իրականացնել դեբիտորական պարտքերի կամ վճարի հետաձգման պայմանով առաքված ապրանքների վաճառքների հաշվառման վարումը:


Գնորդների համար առավելություններ

  • վաճառողներից ապրանքների և ծառայությունների ստացում` վճարման  հետաձգման պայմանով,
  • վաճառողների կողմից առաքվող ապրանքների ծավալների և տեսականու աճ առանց լրացուցիչ կապիտալի ներգրավման,
  • վաճառողից վճարման հետաձգում ստանալու արդյունքում առաջացած ժամանակավորապես ազատ միջոցների տնօրինման հնարավորություն (Բանկից տոկոսով վարկ ներգրավելու փոխարեն),
  • առաքված ապրանքի վճարի ֆինանսավորման ծախսերի կրճատում (ֆակտորինգային ծառայությունների դիմաց վճարում է վաճառողը):

Ֆակտորինգի պարզագույն սխեման ըստ քայլերի կարելի է ներկայացնել հետևյալ կերպ.


 

1. Վաճառողը (Բանկի հաճախորդը) իրականացնում է մատակարարումը գնորդին`(դեբիտորին) միևնույն ժամանակ ուղարկելով հաշիվ-ապրանքագիրը:
2. Վաճառողը (Բանկի հաճախորդը) բանկ է ներկայացնում հաշիվ-ապրանքագիրը և բեռնագրային փաստաթղթերը:
3. Բանկը վաճառողին վճարում է գնորդի կողմից վճարման ենթակա գումարի հիմնական մասը` մինչև 90%-ը և գանձում է տոկոսավճարը (զիջվող գումարի մինչև 1.5%*):
4. 30-90 օր հետո գնորդն ամբողջությամբ (100%) վճարում է Բանկին հաշիվ-ապրանքագրի գումարը:
5. Բանկը կատարում է վերջնահաշվարկ. վաճառողին վճարում է գումարի մնացած 10%-ը` պահելով տրամադրված ֆինանսավորման դիմաց աշխատած տոկոսագումարը (փաստացի օգտագործած օրերի դիմաց տարեկան մինչև 20 % * տոկոսադրույքի հաշվարկով):

«ԱՐՄՍՎԻՍԲԱՆԿ»-ը Հայաստանում գործող ֆինանսական հաստատություններից մեկն է, որը մասնագիտացած է դասական ֆակտորինգային ծառայությունների մատուցման մեջ: 

«ԱՐՄՍՎԻՍԲԱՆԿ»-ն իր հաճախորդներին առաջարկում է ֆակտորինգի հետևյալ տարատեսակները՝

 


Տեղական ֆակտորինգ (երբ վաճառողն ու գնորդը  ՀՀ  ռեզիդենտ իրավաբանական անձինք են)

  • ռեգրեսային ֆակտորինգ (հետպահանջի իրավունքով). եթե Բանկը գնորդից չի ստանում վերջնական վճարը (Հաշիվ/ապրանքագրի գումարը), ապա վաճառողը պարտավորվում է այն վճարել սեփական ռեսուրսներից,
  • ոչ ռեգրեսային ֆակտորինգ (առանց հետպահանջի իրավունքի). այս դեպքում առաքման դիմաց վերջնական վճարը (Հաշիվ/ապրանքագրի գումարը) Բանկը ստանում է գնորդից: Այս տարատեսակի դեպքում գանձվում է լրացուցիչ կոմիսիոն վճար: (տես սակագներ):

Սակագներ

Միջազգային ֆակտորինգ (երբ վաճառողը կամ գնորդը  ՀՀ  ռեզիդենտ իրավաբանական անձ է,  իսկ արտերկրի գործընկերը` ոչ ռեզիդենտ իրավաբանական անձ է)




ԱՐՄՍՎԻՍԲԱՆԿ-ը տարածաշրջանում միակ բանկն է, որն անդամակցում է  FCI  (Factors Chain International) կազմակերպությանը և առաջարկում է նաև միջազգային ֆակտորինգային ծառայություններ շուրջ 60 երկրում տեղակայաված 244 անդամ-բանկերի միջոցով:
  • Արտահանման ֆակտորինգ, որը արտահանողին հնարավորություն կտա մատակարարված ապրանքների դիմաց ստանալ ֆինանսավորում առանց գրավադրման` մատակարարված ապրանքի գումարի մինչև 80%-ի չափով: Մատակարված ապրանքի գումարի մնացած երաշխավորված մասը` 20%-ը, րտահանողը կստանա գնորդի կողմից վճարման օրը:
    Արտահանման ֆակտորինգային գործարքի դեպքում արտահանողը (ՀՀ ռեզիդենտ իրավաբանական անձ) կօգտվի Վաճառողների համար վերընշված առավելություններից, ինչպես նաև կստանա հավաստի տեղեկատվություն արտասահմանում գտնվող իր գործող կամ պոտենցիալ գնորդի վճարունակության վերաբերյալ:
  • Ներմուծման ֆակտորինգ, որը հնարավորություն կտա ներմուծողին օգտվել վճարման հետաձգման պայմանից և առանց վարկային ռեսուրսների ներգրավման ավելացնել գնումների ծավալը:
    Ներմուծման ֆակտորինգային գործարքի դեպքում ներմուծողը (ՀՀ ռեզիդենտ իրավաբանական անձ) կօգտվի Գնորդների համար վերընշված առավելություններից: Ներմուծման ֆակտորինգային գործարքի դեպքում հնարավոր է պահանջվի նաև գրավ:

Սակագներ

Ֆակտորինգային սահմանաչափ հաստատող մարմինը ֆակտորինգային սահմանաչափը  հաստատելիս  առաջնորդվում է ստորև բերված ինպես օբյեկտիվ, այնպես էլ սուբյեկտիվ գործոններով: 


Օբյեկտիվ գործոններ

Հաճախորդի փորձը ոլորտում, գործընկերոջ հետ համագործակցության փորձը, ֆինանսական հաշվետվությունների փաթեթը, բանկային հաշիվների շրջանառությունը, գործարքների հաճախականությունը, վարկային պատմությունը և այլն.

Սուբյեկտիվ գործոններ

Հաճախորդի բիզնեսի ընդունելիությունը և համապատասխանությունը բանկի քաղաքականությանը, հաճախորդի բիզնեսի  թափանցիկությունը, կառավարման որակը, համագործակցության զարգացման հեռանկարները և այլն:
Ֆակտորինգային սահմանաչափը տրամադրվում է համաձայն հիմնական պայմանների, սակայն յուրաքանչյուր կոնկրետ ֆակտորինգային դիմումի դեպքում ֆակտորինգային սահմանաչափ հաստատող մարմինը, հաշվի առնելով վերը նշված օբյեկտիվ և սուբյեկտիվ գործոնները կարող է շեղվել նշված պայմաններից  կամ լրացուցիչ պայմաններ կամ պահանջներ ներկայացնել:

 

ՀՆԱՐԱՎՈՐ ԲԱՑԱՍԱԿԱՆ ՀԵՏԵՎԱՆՔՆԵՐ, ԱՅԼ ԿԱՐԵՎՈՐ ՏԵՂԵԿԱՏՎՈՒԹՅՈՒՆ


Հարգելի հաճախորդ`

Ֆակտորինգային ծառայություններից օգտվելու արդյունքում հետագայում հնարավոր անցանկալի հետևանքներից խուսափելու նպատակով խնդրում ենք ուշադիր ծանոթանալ ստորև բերված տեղեկատվությանը, իսկ լրացուցիչ պարզաբանումների համար դիմել բանկի մասնագետներին:

Ֆակտորինգային պարտավորությունների ոչ պատշաճ կատարման դեպքում (զիջված պարտավորությունների կատարման կետանցում,  բանկին կեղծ տեղեկատվության տրամադրում կամ տեղակատվության չտրամադրում, մոնիտորինգի արդյունքների համաձայն Ձեր ֆինանսական վիճակի վատթարացում և այլն) բանկի կողմից բացի ֆինանսական պատժամիջոցներից գործող օրենսդրության համաձայն կարող են իրականացվել հետևյալ գործողություններ
•        ֆակտորինգային պայմանագրի վաղաժամկետ լուծում և հետագա ֆինանսավորման դադարեցում, տրամադրված սահմանաչափի նվազեցում
•       տրամադրված սահմանաչափի նվազեցում կամ զրոյացում
•       գրավադրված գույքի բռնագանձում և իրացում, ընդ որում, գրավադրված գույքի իրացումից ստացված գումարը բավարար չլինելու դեպքում հնարավոր է նաև գրավատուի այլ գույքի (առկայության դեպքում) հաշվին պարտավորությունների մարման հնարավորությունը` դրանց վրա դատական կարգով բռնագանձում տարածելու եղանակով (առկայության դեպքում)
•       Ձեր պարտապանի, իսկ ռեգրեսային պայմանգիր կնքելու դեպքում նաև Ձեր վերաբերյալ տեղեկատվության գրանցում վարկային ռեգիստրում, ինչը բացասական ազդեցություն կթողնի Ձեր վարկային պատմության վրա և կխոչընդոտի հետագայում ևս վարկային ծառայություններից օգտվելու հարցում (այդ թվում նաև այլ բանկերից և վարկային կազմակերպություններից)


ՖԱԿՏՈՐԻՆԳԱՅԻՆ ՍԱՀՄԱՆԱՉԱՓ ՍՏԱՆԱԼՈՒ ՀԱՄԱՐ ՊԱՀԱՆՋՎՈՂ ՓԱՍՏԱԹՂԹԵՐԻ ՑԱՆԿ

* Տվյալ սակագները պայմանական են:Բանկը յուրաքանչյուր հաճախորդի համար առաջարկում է անհատական սակագներ` կախված հաճախորդի և դեբիտորի ֆինանսական վիճակից, ինչպես նաև կանխատեսվող ֆակտորինգային գործարքների քանակից և ծավալներից:


*Հայերեն և այլ լեզուներով հրապարակված տեղեկատվության միջև որևէ անհամապատասխանության առկայության  դեպքում անհրաժեշտ է ղեկավարվել հայերեն տարբերակով:

Թարմացվել է` 21.10.2011 17:15